జిల్లాలోని పోలీస్స్టేషన్లను కార్పోరేట్ స్థాయిలో అభివృద్ధి చేసేందుకు కృషి చేస్తున్నట్లు... కరీంనగర్ పోలీస్ కమిషనర్ కమలాసన్ రెడ్డి తెలిపారు. దీనికోసం రాష్ట్రప్రభుత్వం రూ.50లక్షలు ప్రత్యేక నిధులు కేటాయించినట్లు చెప్పారు. చొప్పదండి మోడల్ పోలీస్స్టేషన్ను ఆయన పరిశీలించారు. మొదటి సారిగా సామాజిక భద్రతకు చొప్పదండి వ్యాపారులు ముందుకు రావటంతో... సీసీ కెమెరాలను ఏర్పాటు చేసినట్లు గుర్తు చేశారు.
జిల్లాలో పది పోలీస్స్టేషన్లకు కార్పొరేట్ హంగులు తీసుకురానున్నట్లు వెల్లడించారు. చొప్పదండిలో శిథిలావస్థకు చేరిన పోలీస్స్టేషన్ భవనాన్ని పునర్ నిర్మించిన తీరు, తాజాగా చేపట్టిన పనుల వివరాలను అధికారులు వివరించారు. అనంతరం స్టేషన్ ఆవరణలో ఏర్పాటుచేసిన పార్కు, జిమ్, పిల్లల ఆట స్థలాన్ని కమిషనర్ పరిశీలించారు.
ఇదీ చదవండి: నిర్మాణ రంగానికి ప్రభుత్వాలు ఏలాంటి సహకారం అందించాలి?
