ఈనెల 20లోగా రైతు వేదికల నిర్మాణం పూర్తి చేయాలి: జిల్లా కలెక్టర్​

రైతు వేదికలను త్వరితగతిన నిర్మించాలని జిల్లా కలెక్టర్ మహమ్మద్ అబ్దుల్ అజీం అధికారులను ఆదేశించారు. రేగొండ మండలంలో పర్యటించిన ఆయన నిర్మాణంలో ఉన్న రైతు వేదికలను పరిశీలించారు.

జయశంకర్​ భూపాలపల్లి జిల్లా రేగొండ మండలంలో కలెక్టర్ మహమ్మద్ అబ్దుల్ అజీం పర్యటించారు. గ్రామాల్లో నిర్మాణంలో ఉన్న రైతు వేదిక భవనాలను పరిశీలించారు. సుల్తాన్​ పూర్, చిన్నకోడెపాక, దమ్మన్నపేట, మడతపల్లి, కాకర్లపల్లి, బాగిర్తిపేటలో గ్రామాల్లో పర్యటించి రైతు వేదికలను వేగంగా పూర్తి చేయాలని అధికారులకు ఆదేశించారు.

జిల్లాలో 45 క్లస్టర్లలో 45 రైతువేదికలు నిర్మిస్తున్నట్లు కలెక్టర్​ తెలిపారు. వాటిని నాణ్యతగా... వేగంగా పూర్తిచేయాలని సూచించారు. ఈనెల 20లోగా నిర్మాణాలు పూర్తి చేసి 23 నాటికి సిద్ధం చేయాలని ఆదేశించారు. కార్యక్రమంలో పీఆర్​ డీఈ ఆత్మారాం, ఏఈ సతీశ్​ బాబు, స్థానిక సర్పంచులు, తదితరులు పాల్గొన్నారు.