ఎడతెరిపి లేకుండా కురుస్తున్న వర్షాలతో కాళేశ్వరం ప్రాజెక్టుకు భారీగా వరద నీరు చేరుతుంది. జయశంకర్ భూపాలపల్లి జిల్లా మహదేవపూర్ మండలంలోని మేడిగడ్డ, అన్నారం బ్యారేజి గేట్లను తెరిచి ఉంచారు. మేడిగడ్డ బ్యారేజి వద్ద 65 గేట్లు ఎత్తి ఉంచారు. ఇన్ఫ్లో 5.27 లక్షల క్యూసెక్కుల నీటి వరద వస్తుండగా అవుట్ఫ్లో 5.27 లక్షల క్యూసెకుల నీటిని దిగువకు విడుదల చేస్తున్నారు. అలాగే అన్నారం బ్యారేజిలో 9 గేట్లు వేశారు. గత 5 రోజుల నుంచి కన్నెపల్లి పంపుహౌజ్ పంపులు నిలిచిపోయాయి. మేడిగడ్డ బ్యారేజి వద్ద 4.51, అన్నారం బ్యారేజి వద్ద 9.25, కన్నెపల్లి పంపుహౌజ్ వద్ద 8.0 టీఎంసీల నీటి నిల్వ ఉంది.
మేడిగడ్డ 65, అన్నారంలో 9 గేట్లు ఎత్తివేత
