జనగామ జిల్లా లింగాల ఘన్పూర్లో 85 మంది ఆశా వర్కర్లు, పారిశుద్ధ్య కార్మికులకు మాజీ ఉపముఖ్యమంత్రి కడియం శ్రీహరి కిరాణా సరుకులు పంచారు. కరోనా నియంత్రణకు ఆశా వర్కర్లు ఆశాకిరణాలుగా వ్యవహరించారని ఆయన ప్రశంసించారు. వైద్య సిబ్బందికి తోడు ఆశా వర్కర్లు, పారిశుద్ధ్య సిబ్బంది చేసిన సేవలు వెలకట్టలేనివన్నారు.
ఫలితంగా కరోనా విస్తరణను ప్రాథమిక దశలోనే ఎదుర్కోగలిగామని పేర్కొన్నారు. లాక్డౌన్ నేపథ్యంలో గ్రామీణ ప్రాంత ప్రజల ఆరోగ్య వివరాల సేకరణే కాకుండా అప్రమత్తంగా ఉండాలని వారికి సూచనలు చేశారని అన్నారు. సుమారు వెయ్యికి పైగా కుటుంబాలకు సరుకులు పంపిణి చేశామన్నారు.
