కరోనా విషయంలో ప్రభుత్వం పారదర్శకంగా ఉండట్లేదని పీసీసీ చీఫ్ ఉత్తమ్ కుమార్ రెడ్డి విమర్శించారు. జగిత్యాల జిల్లాకేంద్రంలో ఆయన ఇవాళ పర్యటించారు. వైరస్ విషయంలో రాష్ట్రంలో ప్రమాదకర విధానాలు అవలంభిస్తున్నారని ఆరోపించారు. అత్యధిక కేసులు నమోదైన తర్వాత పరీక్షలు తగ్గించారన్నారు. ఐసీఎంఆర్‌ ఆమోదించిన ప్రైవేటు ఆస్పత్రుల్లో 28 రాష్ట్రాల్లో పరీక్షలు జరుగుతున్నాయని వెల్లడించారు. తెలంగాణలో మాత్రం ప్రైవేటు ఆస్పత్రుల్లో పరీక్షలు అనుమతించట్లేదని ఉత్తమ్ వివరించారు.
"రాష్ట్ర ప్రభుత్వం అసమర్థతా లేక నిర్లక్ష్యమా అర్థం కావట్లేదు. తెలంగాణలో అన్ని విషయాల్లోనూ కేసీఆరే నిపుణుడు. పారాసెటమాల్‌ వేసుకుంటే కరోనా పోతుందని కేసీఆర్‌ చెప్పారు. ఎక్కువగా పరీక్షలు చేస్తే నియంత్రించవచ్చని డబ్ల్యూహెచ్‌వో చెబుతోంది."
-ఉత్తమ్ కుమార్ రెడ్డి, పీసీసీ చీఫ్
కరోనా విషయంలో ప్రభుత్వం పారదర్శకంగా లేదు: ఉత్తమ్
ఇదీ చూడండి: పెట్రోల్ బంక్ వద్ద ఘర్షణ.. సీసీ కెమెరాల్లో రికార్డు
