తల కిందికి.. కాళ్లు పైకి.. ఆర్టీసీ కార్మికుడి వినూత్న నిరసన

జగిత్యాల జిల్లాలో ఓ ఆర్టీసీ కార్మికుడు తలకిందులుగా నిలబడి నిరసన వ్యక్తం చేశాడు. ప్రభుత్వ పాలన కూడా ఇలాగే ఉందని తెలిపాడు.

డిమాండ్ల పరిష్కారం కోసం ఆర్టీసీ కార్మికులు చేస్తున్న సమ్మె నేటికీ 35వ రోజుకు చేరింది. జగిత్యాల జిల్లా మెట్​పల్లి ఆర్టీసీ డిపో వద్ద ఐకాస ఆధ్వర్యంలో కార్మికులు ఆందోళనకు దిగారు.

బస్​డిపో ముందు కార్మికులు ధర్నా నిర్వహించీ ప్రభుత్వానికి వ్యతిరేకంగా నినాదాలు చేశారు. ఆనంద్​ అనే కార్మికుడు తలకిందులుగా నిలబడి నిరసన వ్యక్తం చేశాడు. ప్రభుత్వం కూడా పాలనను తలకిందులుగా పాలిస్తోందని.. అందుకే ఈ విధంగా నిరసన చేస్తున్నట్లు తెలిపారు.

ఇప్పటికైనా ప్రభుత్వం దిగివచ్చి కార్మికులతో చర్చలు జరపాలని, లేని పక్షంలో ఆందోళనలు ఉద్ధృతం చేస్తామని హెచ్చరించారు.

ఇదీ చదవండిః మెస్మరైజ్ చేసిన మిస్ ఫెమినా సుందరి