వంద రోజుల్లో ముత్యంపేట చక్కెర పరిశ్రమను తెరుస్తామని ఎన్నికల్లో హామీలిచ్చి.. చివరకు మూసేశారని ఎమ్మెల్సీ జీవన్ రెడ్డి ఆరోపించారు. ఆ పరిశ్రమను మళ్లీ తెరిచేందుకు చర్యలు తీసుకోవాలని డిమాండ్ చేశారు. తమ సమస్యలను తెలిపేందుకు వెళ్లిన రైతులను అరెస్ట్ చేయడం ఎంత వరకు సమంజసమని జగిత్యాలలో ఏర్పాటు చేసిన మీడియా సమావేశంలో ప్రశ్నించారు.
కాంగ్రెస్‌ నాయకులతో కలిపి దాదాపు 500 మందిని అరెస్ట్ చేశారని... ఆ అరెస్టులను ఆయన ఖండించారు. రాష్ట్రంలో సాగునీరు, పరిశ్రమలకు అధిక ప్రాధాన్యమిస్తున్నామని చెబుతున్న ప్రభుత్వం.. ఉమ్మడి కరీంనగర్ జిల్లాలో చేపట్టిన పనులను అలాగే వదిలేసిందని మండిపడ్డారు. కథలాపూర్లోని సూరమ్మ చెరువు, కొడిమ్యాల మండలంలోని పోతారం ప్రాజెక్టు, మంథని ప్రాంతంలో చేపట్టిన సాగునీటి పనులు ఎందుకు పూర్తి చేయలేదని ప్రశ్నించారు.
ఇదీ చదవండి: ద.మ. రైల్వే సరుకు రవాణాలో రికార్డ్
