'పట్టణ ప్రగతిని విజయవంతం చేయండి'

పట్టణాలను పరిశుభ్రంగా ఉంచేందుకు రాష్ట్ర ప్రభుత్వం పట్టణ ప్రగతి కార్యక్రమాన్ని ప్రారంభించిందని ఎమ్మెల్యే కల్వకుంట్ల విద్యాసాగర్​ రావు అన్నారు. ప్రజలందరూ భాగస్వాములై ఈ కార్యక్రమాన్ని విజయవంతం చేయాలని ఆయన కోరారు. జగిత్యాల మెట్​పల్లిలో ఏర్పాటు చేసిన పట్టణ ప్రగతి కార్యక్రమంలో ఆయన పాల్గొన్నారు.

జగిత్యాల జిల్లా మెట్​పల్లి పురపాలక పరిధిలో విద్యుత్ శాఖ ఆధ్వర్యంలో పట్టణ ప్రగతి కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా ఎమ్మెల్యే విద్యాసాగరరావు హాజరయ్యారు. పలుచోట్ల నూతనంగా ఏర్పాటు చేయనున్న విద్యుత్ ట్రాన్స్​ఫార్మర్, విద్యుత్​ స్తంభాలకు పనులను ప్రారంభించారు.

పట్టణ ప్రగతి కార్యక్రమంలో అధికారలు, ప్రజలు సమన్వయంతో పనిచేయాలని చెప్పారు. తద్వారా సమస్యలను త్వరితగతిన పరిష్కరించుకోవచ్చని అన్నారు. ప్రతి ఇంటి ముందు రెండు మొక్కలు నాటి వాటిని పరిరక్షించాలని ప్రజలకు ఎమ్మెల్యే సూచించారు.

ఇవీ చూడండి: ఉరివేసుకొని ఇంటర్​ విద్యార్థి ఆత్మహత్య