ధాన్యం కొనుగోలు కేంద్రాల ఎత్తివేతపై పొన్నం ఆందోళన

ధాన్యం కొనుగోలు కేంద్రాలను ఎత్తివేయడాన్ని నిరసిస్తూ జగిత్యాల జిల్లా కొడిమ్యాలలో టీపీసీసీ వర్కింగ్​ ప్రెసిడెంట్​ పొన్నం ప్రభాకర్​ గౌడ్​ ఆధ్వర్యంలో ఆందోళన చేపట్టారు. కొనుగోలు కేంద్రాలు లేక రైతులు ఇబ్బంది పడతున్నారని చెప్పారు.

జగిత్యాల జిల్లా కొడిమ్యాలలో టీపీసీసీ వర్కింగ్ ప్రెసిడెంట్ పొన్నం ప్రభాకర్ గౌడ్​ ఆధ్వర్యంలో కాంగ్రెస్​ శ్రేణులు ఆందోళనకు దిగాయి. ధాన్యం కొనుగోలు కేంద్రాల ఎత్తివేతతో రైతులు ఇబ్బంది పడుతున్నారని పొన్నం అన్నారు.

లాక్​డౌన్ సమయంలో గ్రామాల్లో కొనుగోలు కేంద్రాలు ఏర్పాటు చేసిన ప్రభుత్వం.. నేడు యూటర్న్ తీసుకుందని విమర్శించారు. ధాన్యం కొనుగోలు కేంద్రాల ఎత్తివేత నిర్ణయాన్ని వెంటనే ఉపసంహరించుకోవాలని డిమాండ్​ చేశారు. తహసీల్దార్ కార్యాలయంలో వినతి పత్రం ఇచ్చారు. ఈ ఆందోళనలో టీపీసీసీ అధికార ప్రతినిధి మేడిపల్లి సత్యం పాల్గొన్నారు.

ఇదీ చదవండి: ఈ నెల 13నే భారత్​లో వ్యాక్సినేషన్​ షురూ!