లేగదూడకు నామకరణం.. ఊయలలో ఊపుతూ లాలిపాట

జగిత్యాలలో లేగదూడకు ఘనంగా నామకరణం చేశారు. గోమాతకు ఉన్న ప్రాధాన్యత తెలిపేలా కార్యక్రమం నిర్వహించారు. లేగదూడకు బృందావన అని పేరు పెట్టారు.

హైందవ సాంప్రదాయంలో గోమాతకు ఉన్న ప్రాధాన్యత తెలిపేలా... జగిత్యాలలో లేగ దూడకు నామకరణ వేడుక జరిపారు. వేద పండితుడు చిరంజీవి ఒద్దిపర్తి సంజయ్ ఆచార్య ఆధ్వర్యంలో... జగిత్యాల పోచమ్మవాడలో ఈ వేడుక వైభవంగా జరిగింది.

పెంచుతున్న గోమాతకు జన్మించిన లేక దూడకు 21వ రోజున... అచ్చం పిల్లల నామకరణం వేడుకలాగే ఈ వేడుక జరిపారు. ఉయ్యాలలో లేగదూడను ఉంచి లాలిపాట పాడారు. గోపూజ నిర్వహించిన అనంతరం.. దూడకు 'బృందవన' నామకరణం చేశారు. ఈ వేడుకల్లో మహిళలు, చిన్న పిల్లలు పెద్ద సంఖ్యలో పాల్గొన్నారు. హైందవ సాంప్రదాయంలో గోమాత విశిష్టతను ప్రతి ఒక్కరూ... ఇప్పటికైనా గ్రహించాలని... సంజయ్ ఆచార్య కోరారు.

• ఇదీ చూడండి: ఓరుగల్లు‌లో కేటీఆర్ పర్యటన... అభివృద్ధికి శ్రీకారం