పండుగ పూట విషాదం... యువ దంపతుల బలవన్మరణం

పండుగ పూట సంతోషంగా గడపాల్సిన ఆ దంపతులు తిరిగిరాని లోకాలకు వెళ్లిపోయారు. నెలల పసిగుడ్డును వదిలేసి దేవుని దగ్గరకు పయనమయ్యారు. ఆర్థిక ఇబ్బందులనే తాత్కాలిక సమస్యకు... చావే శరణ్యమని శాశ్వత పరిష్కారాన్ని వెతికారు.

హైదరాబాద్​ మేడిపల్లి పోలీస్​ స్టేషన్​ పరిధిలో పండుగ పూట దారుణం చోటు చేసుకుంది. బోడుప్పల్​లోని సాయిరాం కాలనీలో ఉంటున్న యువ దంపతులు అక్షత్​(26), చైతన్య(24) ఉరి వేసుకుని ఆత్మహత్యకు పాల్పడ్డారు.

ఏపీలోని కడప జిల్లా చంపాడు గ్రామానికి చెందిన ఈ దంపతులు జీవనోపాధి కోసం బోడుప్పల్​ వచ్చారు. అందరూ సంక్రాంతి సంబురాల్లో ఉన్న వేళ.. వారు తనువు చాలించారు. వీరికి నెల వయస్సు గల కూతురు ఉంది. పోలీసులు అక్కడికి చేరుకున్నారు. కేసు దర్యాప్తు చేస్తున్నారు.

• ఇవీ చూడండి : నేడు తెరాస అభ్యర్థులతో కేటీఆర్​ టెలీకాన్ఫరెన్స్​