హిమాయత్నగర్ డివిజన్లో తెరాస, భాజపా అభ్యర్థుల భర్తల పెత్తనమే తన గెలుపునకు మార్గం సుగమం చేస్తుందని కాంగ్రెస్ అభ్యర్థి ఇందిరారావు ధీమా వ్యక్తంచేశారు. వారి ఆగడాలకు నుంచి ప్రజలకు విముక్తి కావాలంటే తనకు ఒక్క అవకాశం ఇవ్వాలని కోరారు.
తాగునీటి, డ్రైనేజీ, రోడ్లు, ట్రాఫిక్, మూసీ తదితర సమస్యలకు శాశ్వత పరిష్కారం చూపుతానని హామీ ఇచ్చారు. భారీ వర్షాలకు హిమాయత్నగర్ ప్రజలు తీవ్ర ఇబ్బందులు పడుతున్నారని ఆందోళన వ్యక్తం చేసిన ఇందిరారావు.. నాలాకు ఇరువైపుల ప్రహరీ గోడలు నిర్మిస్తామని, ముంపు సమస్యకు చెక్పెడతానని స్పష్టం చేశారు. ఒక్కసారి తనకు అవకాశం ఇస్తే హైదరాబాద్ నడిబొడ్డున ఉన్న హిమాయత్నగర్ డివిజన్ను అభివృద్ధి పథంలో తీసుకెళతానని ఇందిరరావు స్పష్టం చేశారు.
సమస్యలకు శాశ్వత పరిష్కారం చూపుతా: ఇందిరారావు
