Kishan reddy on Grain collection: రాష్ట్రంలో ధాన్యం గొడవకు కారణం.. హుజూరాబాద్ ఉపఎన్నికలేనని కేంద్ర పర్యాటక శాఖ మంత్రి కిషన్రెడ్డి అన్నారు. ఉపఎన్నికల ఫలితాలు తర్వాతే ఈ సమస్య ఎందుకు వచ్చిందో చెప్పాలని డిమాండ్ చేశారు.
కేంద్ర ప్రభుత్వం 2014లో ధాన్యం, బియ్యం సేకరణకు రూ.3,400 కోట్ల ఖర్చు చేస్తే.. గతేడాది రూ.26,600 కోట్లు ఖర్చుచేసినట్లు చెప్పారు. ప్రస్తుతం బాయిల్డ్ రైస్కు డిమాండ్ లేదన్నారు. నాలుగైదు ఏళ్లుగా బాయిల్డ్ రైస్ వినియోగం తగ్గిందని చెప్పారు. గత సంవత్సరం రాష్ట్ర ప్రభుత్వంతో జరిగిన ఒప్పందం ప్రకారం చివరి బియ్యపు గింజా కొంటామని స్పష్టం చేశారు. సేకరణకు సంబంధించి రాష్ట్ర ప్రభుత్వం తమకు కార్యాచరణ ఇవ్వడం లేదని కిషన్రెడ్డి ఆరోపించారు. డబ్ల్యూహెచ్ఓ నిబంధనల ప్రకారం కేంద్ర ప్రభుత్వం విదేశాలకు బియ్యం ఎగుమతి చేయలేదని.. అందుకే ప్రైవేట్ సంస్థలను ప్రోత్సహిస్తున్నట్లు తెలిపారు. ప్రస్తుతం వారూ మందుకురావడం లేదన్నారు.
భద్రాచలానికి రాష్ట్ర ప్రభుత్వం భూసేకరణ చేస్తే రైల్వే లైన్ వేస్తామని కిషన్రెడ్డి వెల్లడించారు. ఘట్కేసర్ నుంచి యాదాద్రి వరకు ఎంఎంటీఎస్ లైన్ వేసేందుకు కేంద్రం సిద్ధంగా ఉందన్న కేంద్ర మంత్రి.. ఈ విషయంలో రాష్ట్ర ప్రభుత్వం ముందుకు రావాలని కోరారు. టెక్స్టైల్ పార్క్, ట్రైబల్ మ్యూజియం ఏర్పాటు చేసేందుకు రాష్ట్ర ప్రభుత్వం నుంచి స్పందన లేదని కిషన్రెడ్డి ఆరోపించారు. దేశ భవిష్యత్ కోసం తాము బడ్జెట్ ప్రవేశపెడుతుంటే.. తెరాస ప్రభుత్వం మాత్రం వారి భవిష్యత్ కోసం బడ్జెట్ పెడుతున్నారని విమర్శించారు.
ఇదీచూడండి: రైతులను ఇబ్బంది పెట్టడమే భాజపా ఏకైక లక్ష్యమా?: బాల్క సుమన్‌
