బల్దియా ఎన్నికల ప్రచారంలో భాజపా జోరు పెంచింది. కేంద్రమంత్రులు నగరంలో పర్యటిస్తూ విస్తృతంగా ర్యాలీలు చేపడుతున్నారు. కాప్రా సర్కిల్ చర్లపల్లి 3వ డివిజన్ అభ్యర్థి తరపున కేంద్ర హోంశాఖ సహాయమంత్రి నిత్యనందరాయ్ రోడ్ షో చేపట్టారు.
కుషాయిగూడ నుంచి చర్లపల్లి వరకు నిర్వహించిన ర్యాలీలో కార్యకర్తలు పెద్దఎత్తున పాల్గొన్నారు. తమ అభ్యర్థి కాసుల సురేందర్రెడ్డిని భారీ మెజారిటీతో గెలిపించాలని కేంద్రమంత్రి ఓటర్లకు విజ్ఞప్తి చేశారు. ప్రధాని మోదీ అమలు చేస్తున్న అభివృద్ధి పథకాలతో ఘనవిజయం సాధిస్తామని ఆయన ధీమా వ్యక్తం చేశారు.
