పీడీఎస్‌ బియ్యాన్ని అక్రమంగా వేరే రాష్ట్రాలకు తరలిస్తున్న ఇద్దరిని పోలీసులు అరెస్టు చేశారు. హైదరాబాద్ ఫలక్‌నుమా పీఎస్‌ పరిధిలో ఇతర రాష్ట్రాలకు తరలించేందుకు బియ్యాన్ని నిల్వ ఉంచిన ఇంటిపై పోలీసులు దాడి చేశారు. 13.6 క్వింటాళ్ల బియ్యం, ఒక ఆటోను స్వాధీనం చేసుకున్నారు.
ఫలక్ నుమా పరిధిలోని వట్టె పల్లి ప్రాంతానికి చెందిన సల్మాన్, జహంగీర్‌లు ఇద్దరు కలిసి పీడీఎస్‌ బియ్యాన్ని అక్రమంగా తీసుకొని ఇతర రాష్ట్రాలకు తరలించడానికి నిల్వ ఉంచినట్లు పోలీసులు తెలిపారు. నిందితులపై కేసు నమోదు చేసుకొని దర్యాప్తు చేస్తున్నట్లు పేర్కొన్నారు.
