TSPSC Clarity on Group 2 Exams Postpone : గ్రూప్-2 పరీక్ష వాయిదా వేయాలన్న వినతులపై ఆగస్టు 14(సోమవారం)న నిర్ణయం చెబుతామని హైకోర్టుకు రాష్ట్ర పబ్లిక్ సర్వీస్ కమిషన్(TSPSC) తెలిపింది. ఇప్పటికే పరీక్షకు ఏర్పాట్లన్నీ పూర్తయ్యాయని టీఎస్పీఎస్సీ వివరించింది. ఈ నెల 29, 30న తలపెట్టిన గ్రూప్-2(TSPSC Group2 Exam 2023) పరీక్ష వాయిదా వేయాలని కోరుతూ 150 మంది అభ్యర్థులు వేసిన పిటిషన్‌పై జస్టిస్ పి.మాధవీదేవి విచారణ చేపట్టారు. ఆగస్టు నెలలో గ్రూప్-2 సహా వేర్వేరు సిలబస్‌తో కూడిన 21 పోటీ పరీక్షలు ఉన్నాయని పిటిషనర్ల తరఫు న్యాయవాదులు గిరిధర్ రావు, నర్సింగ్ తెలిపారు. గ్రూప్-1, గ్రూప్-2 పరీక్షలు చాలా ముఖ్యమైనవన్నారు. గ్రూప్-2 పరీక్ష వాయిదా వేయాలని జూన్‌లోనే వినతిపత్రం ఇచ్చినప్పటికీ.. టీఎస్పీఎస్సీ స్పందించడం లేదన్నారు.
నియామక పరీక్ష నిర్వహణ ప్రధాన ఉద్దేశం నెరవేరేలా టీఎస్పీఎస్సీ వ్యవహరించడం లేదని వాదించారు. గ్రూప్-2 పరీక్షకు అన్ని ఏర్పాట్లు పూర్తయ్యాయని టీఎస్పీఎస్సీ తరఫు న్యాయవాది రాంగోపాల్ రావు తెలిపారు. రాష్ట్రవ్యాప్తంగా 1,535 పరీక్ష కేంద్రాలు సిద్ధం చేశామని.. ఆ కేంద్రాలకు ప్రభుత్వం సెలవులు కూడా ప్రకటించిందన్నారు. గ్రూప్-2కి అయిదున్నర లక్షల మంది దరఖాస్తు చేసుకున్నారని.. వారిలో గురుకుల పరీక్షలు రాస్తున్నది సుమారు 60వేల అభ్యర్థులేనని పేర్కొన్నారు. కొందరే అయినా వారికీ అవకాశం ఉండాలి కదా అని హైకోర్టు వ్యాఖ్యానించింది.
Education Loan For Abroad Studies : ఎడ్యుకేషన్ లోన్ కావాలా?.. అయితే ఈ విషయాలు తెలుసుకోండి!
Telangana High Court TSPSC Group2 Case Status : లక్షల మంది దరఖాస్తు దారుల్లో పిటిషన్ వేసింది 150 మందేనని టీఎస్పీఎస్సీ పేర్కొనగా.. కోర్టుకు అందరూ రాలేరని న్యాయమూర్తి వ్యాఖ్యానించారు. గ్రూప్-2 పరీక్ష వాయిదా వేయాలన్న అభ్యర్థుల వినతిపత్రంపై నిర్ణయం బుధవారం వరకు చెబుతామని టీఎస్పీఎస్సీ న్యాయవాది పేర్కొనగా.. చాలా మంది ఉత్కంఠగా ఎదురు చూస్తున్నందున సోమవారం చెప్పాలని న్యాయమూర్తి ఆదేశించారు.
నాడు తెలంగాణ ఉద్యమంలో కేసులు.. నేడు సాధించుకున్న తెలంగాణలో కేసులు : మరోవైపు గ్రూప్-2 పరీక్ష వాయిదా వేయాలని గురువారం నిరసన కార్యక్రమంలో పాల్గొని.. అరెస్టు అయి చంచల్గూడ జైలు రిమాండ్లో ఉన్న అశోక్ను మూలాకత్లో ఖైరతాబాద్ డీసీసీ అధ్యక్షుడు రోహిత్ రెడ్డి, ఎన్ఎస్యూఐ రాష్ట్ర అధ్యక్షుడు బలమూరి వెంకట్ కలిశారు. ఈ సందర్భంగా బలమూరి వెంకట్ మాట్లాడుతూ.. ముఖ్యమంత్రి మొండి వైఖరితో లక్షలాది మంది నిరుద్యోగులు రోడ్డున పడ్డారని మండిపడ్డారు. సీఎం కేసీఆర్కు నిరుద్యోగుల పట్ల చిత్తశుద్ధి ఉంటే వెంటనే గ్రూప్-2 ఎగ్జామ్ వాయిదా వేయాలన్నారు. నాడు తెలంగాణ ఉద్యమ సమయంలో అక్రమ కేసులు, నేడు సాధించుకున్న తెలంగాణలో కూడా అక్రమ కేసులే బనాయిస్తున్నారని విమర్శించారు. వెంటనే అశోక్పై పెట్టిన అక్రమ కేసులు ఎత్తివేయాలని రాష్ట్ర ప్రభుత్వాన్ని డిమాండ్ చేశారు.
Group-2 Candidates Protest Hyderabad : గ్రూప్-2 పరీక్షను వాయిదా వేయాలంటూ అభ్యర్థుల పోరుబాట
