నెల రోజులుగా కఠోర ఉపవాస దీక్షలు చేసిన ముస్లిం సోదరులు ఇవాళ పవిత్ర ఈద్-ఉల్-ఫితర్ (రంజాన్) ప్రార్థనల్లో పాల్గొనున్నారు. పాతబస్తీలోని మీరాలం ఈద్గాలో ప్రత్యేక ప్రార్థనలు చేయనున్నారు. వక్ఫ్ బోర్డు, మైనార్టీ సంక్షేమ శాఖలు ప్రార్థనలు నిర్వహించేందుకు వచ్చే వారికి ఎటువంటి అసౌకర్యం కలగకుండా ఏర్పాట్లు చేసింది. ఈద్-ఉల్-ఫితర్ సందర్భంగా ఉదయం 8 నుంచి 12 గంటల వరకు మీరాలం ట్యాంక్ ఈద్గా పరిసర ప్రాంతాల్లో ట్రాఫిక్ ఆంక్షలు అమల్లో ఉంటాయని తెలిపారు.
ట్రాఫిక్ మళ్లింపు ఇలా...
మీరాలం ఈద్గా ప్రార్థనలకు వచ్చే వాహనాలకు పురానాపూల్, కామాటిపుర, కిషన్బాగ్, బహుదూర్పురా ఎక్స్రోడ్ నుంచి అనుమతి ఉంటుందని పోలీసులు తెలిపారు. ఆ సమయాల్లో ఇతర వాహనాలను బహుదూర్పురా ఎక్స్రోడ్ నుంచి ఈద్గా వైపు వెళ్లేందుకు అనుమతి లేదన్నారు. ఆయా వాహనాలు కిషన్బాగ్, కామాటిపుర వైపు నుంచి వెళ్లాల్సి ఉంటుందని ట్రాఫిక్ పోలీసులు తెలిపారు. సైకిళ్లు, రిక్షాలకు ఈద్గా వైపు అనుమతించమన్నారు. శివరాంపల్లి, ఎన్పీఏ వైపు నుంచి ప్రార్థనలకు వచ్చే వాహనాలను అనుమతిస్తామని, బహుదూర్పుర వైపు వెళ్లే సాధారణ వాహనాలను దానమ్మ హాట్స్ చౌరస్తా వద్ద మళ్లిస్తామని తెలిపారు. వాహనదారులు గుర్తించి సహకరించాలని కోరారు.
ఇవీ చూడండి: భాజపా ముస్లిం సంక్షేమ పార్టీ: లక్ష్మణ్
