ఆరుగురు సభ్యుల ఈడీ కమిటీ బుధవారం బస్ భవన్లో 8గంటలకు పైగా సమావేశమైంది. ఆర్టీసీని ప్రభుత్వంలో విలీనం మినహా మిగిలిన 21 అంశాల సాధ్యాసాధ్యాలపై కమిటీ సభ్యులు కూలంకషంగా చర్చించారు. తిరిగి ఇవాళ కమిటీ మరోసారి భేటీ కానుంది. ఆర్టీసీ ఆర్థిక పరిస్థితిస, డిమాండ్లు నెరవేర్చడానికి కార్పొరేషన్పై పడే భారం తదితర అంశాలపై ఒక నివేదిక తయారుచేసి రవాణాశాఖ ప్రిన్సిపల్ కార్యదర్శి సునీల్ శర్మకు అందజేయనుంది. తక్షణం నెరవేర్చే అంశాలు, తాత్కాలికంగా నెరవేర్చేవి, దీర్ఘకాలికంగా అంశాలు ఇలా మూడు కేటగిరీలుగా డిమాండ్లను కమిటీ సభ్యులు సిద్ధం చేసుకున్నట్లు సమాచారం. వీలైనంత త్వరగా తమ పనిని పూర్తిచేస్తామని కమిటీసభ్యులు తెలిపారు.
ఇదీ చూడండి: 'ఆర్టీసీ కార్మికులతో ప్రభుత్వం చర్చలు జరపాల్సిందే'
