అమీన్​పూర్​ ఘటనపై జాతీయ బాలల హక్కుల రక్షణ కమిషన్ ఆగ్రహం

అమీన్ పూర్ అనాథాశ్రమంలో మైనర్ బాలిక అత్యాచారం, హత్య ఘటనపై జాతీయ బాలల హక్కుల రక్షణ కమిషన్ ఆగ్రహం వ్యక్తం చేసింది. ఘటనపై పూర్తి వివరాలు అందించాలని హైదరాబాద్​ కమిషనర్​కు లేఖ రాసింది.

హైదరాబాద్ సమీపంలోని అమీన్​పూర్​ అనాథ ఆశ్రమంలో మైనర్​ బాలిక అత్యాచారం, హత్య ఘటనలపై జాతీయ బాలల హక్కుల రక్షణ కమిషన్​ స్పందించింది. ఈ నెల 12వ తేదీ పత్రికా కథనాల ఆధారంగా కేసును సుమోటోగా తీసుకోవాలని సూచించింది. ఘటనపై వారం రోజుల్లో పూర్తి వివరాలు పంపాలని 13న హైదరాబాద్ కమిషనర్​కు ఎన్​సీపీసీఆర్ లేఖ రాసింది.

పోస్టుమార్టం నివేదిక, కేసు దర్యాప్తు నివేదిక సహా పలు వివరాలు సమగ్రంగా అందించాలని జాతీయ బాలల హక్కుల రక్షణ కమిషన్ సభ్యులురాలు ప్రజ్జ్ఞా పరాండే లేఖలో పేర్కొన్నారు.

ఇదీ చూడండి : రెడ్‌క్రాస్‌ వాలంటీర్లు సహాయ చర్యల్లో పాల్గొనాలి: గవర్నర్