తెలంగాణ ప్రజలకు ధరణి ఓ దరిద్రంలా తయారైందని రియల్టర్ల అసోసియేషన్ రాష్ట్ర అధ్యక్షుడు నారగోని ప్రవీణ్ ఆరోపించారు. గ్రామ పంచాయతీ లే ఔట్లలో ప్లాట్లను వెంటనే రద్దు చేయాలని ప్రభుత్వాన్ని డిమాండ్ చేశారు. రాష్ట్ర సర్కారు రూపొందించిన జీవో 135, ఎల్ఆర్ఎస్ను రద్దు చేయాలని కోరుతూ హైదరాబాద్లోని సుందరయ్య విజ్ఞాన కేంద్రంలో నిర్వహించిన సమావేశంలో ఆయన పాల్గొన్నారు.
రాష్ట్ర ముఖ్యమంత్రి ధరణి పోర్టల్ విజయవంతమైందని చెప్పి ప్రజలను తప్పుదారి పట్టిస్తున్నారని ప్రవీణ్ ఆరోపించారు. రియల్టర్ల సమస్యల పరిష్కారం కోసం అనేకసార్లు రిజిస్ట్రేషన్ ఐజీ, ప్రభుత్వ ప్రధాన కార్యదర్శి సోమేశ్ కుమార్లను కలవడానికి ప్రయత్నిస్తే అపాయింట్మెంట్ కూడా ఇవ్వడం లేదని ఆవేదన వ్యక్తం చేశారు. తమ సమస్యలపై స్పందించపోతే త్వరలో జరగబోయే ఎమ్మెల్సీ ఎన్నికల్లో తెరాస అభ్యర్థుల ఓటమికి కృషి చేస్తామని ఆయన హెచ్చరించారు.
ఇదీ చదవండి: తమిళిసై నిర్ణయంపై రాజకీయ వర్గాల్లో ఉత్కంఠ
