Governor Tamilisai: కాలుష్య రహిత భూమికోసం సమష్టి కృషి చేద్దాం

భవిష్యత్​ తరాలకు కాలుష్య రహిత భూమిని అందించేందుకు ప్రజలందరూ సమష్టిగా కృషి చేయాలని గవర్నర్​ తమిళిసై పిలుపునిచ్చారు. శనివారం(June-5th) ప్రపంచ పర్యావరణ దినోత్సవం సందర్భంగా జీవ వైవిధ్యం పరిరక్షణకు కట్టుబడి ఉంటామని ప్రజలందరూ ప్రతిజ్ఞ చేయాలని విజ్ఞప్తి చేశారు.

శనివారం ప్రపంచ పర్యావరణ దినోత్సవం(World Environment Day) సందర్భంగా... కాలుష్య రహిత భూమి కోసం అందరూ కృషి చేయాలని గవర్నర్ తమిళిసై సౌందరరాజన్ (Telangana Governor) పిలుపునిచ్చారు. మన భవిష్యత్తు కోసం పర్యావరణాన్ని కాపాడుకోవాల్సిన బాధ్యత అందరిమీద ఉందన్నారు.

కాలుష్యాన్ని తగ్గించి, మొక్కలు నాటడం ద్వారా జీవవైవిధ్యాన్ని పరిరక్షించుకోవాలని సూచించారు. కొవిడ్ లాంటి మహమ్మారులు మన దరిచేరకుండా పర్యావరణాన్ని కాపాడుకోవాలన్నారు.

ఇదీ చూడండి: మూడో దశలో 25% మంది పిల్లలకు కరోనా వైరస్‌?