రాష్ట్రంలో పల్లె ప్రగతి కార్యక్రమం అమలుతీరును పరిశీలించేందుకు ప్రభుత్వ ప్రధాన కార్యదర్శి సోమేశ్కుమార్ శుక్రవారం మూడు జిల్లాల్లో పర్యటించనున్నారు. దీనిలో భాగంగా ఉదయం హైదరాబాద్‌లోని బేగంపేట విమానాశ్రయం నుంచి హెలికాప్టర్లో బయలుదేరి తొలుత కామారెడ్డి పట్టణానికి చేరుకుంటారు. జిల్లాలోని రెండు గ్రామాలను ఆకస్మికంగా తనిఖీ చేస్తారు.
కామారెడ్డి జిల్లాలో తనిఖీ పూర్తయిన అనంతరం సంగారెడ్డి జిల్లాకు, ఆ తర్వాత వికారాబాద్ జిల్లాకు వెళతారు. ఆయా జిల్లాల్లోనూ రెండేసి గ్రామాల్లో పనులు జరుగుతున్న విధానాన్ని ఆయన స్వయంగా పరిశీలిస్తారు.
