తెలంగాణ జేఏసీ ఉద్యోగులకు తెలియకుండానే ఆర్టీసీ కార్మికులు సమ్మెకు దిగారని టీఎన్జీవో నేత రవీందర్ రెడ్డి అన్నారు. సమ్మె విషయం తమతో చర్చించి ఉంటే ఆ సమస్యకు పరిష్కారం ఆలోచించేవాళ్లమని పేర్కొన్నారు. కనీసం మాట మాత్రం కూడా చెప్పకుండా సమ్మెకు వెళ్లి ఈరోజు మద్దతివ్వలేదనటం బాధాకరమన్నారు. రాజకీయ నాయకులు వారి స్వార్థం కోసమే ఆర్టీసీ కార్మికుల సమ్మెను ఉపయోగించుకుంటున్నారని ఆరోపించారు. ఈ సమయంలో ఆర్టీసీ కార్మికులకు కావలసింది మద్దతు కాదు... సమస్యల పరిష్కారం అన్నారు. ఆర్టీసీ జేఏసీ నేతలు తమతో చర్చిస్తే తమ వైఖరిని చెబుతామన్నారు. ఈ నెల21న ఎన్నికల కోడ్ ముగియగానే ఉద్యోగుల సమస్యల పరిష్కారానికి ప్రభుత్వంపై ఒత్తిడి తెస్తామన్నారు.
ఇదీ చూడండి: కార్మికులారా.... తొందర పడకండి: జగ్గారెడ్డి
