కొండముచ్చు ఆకారంలో.. వింత గొర్రె పిల్ల

ఏపీలోని చిత్తూరు జిల్లా సోమలలో వింత ఆకారంలో గొర్రెపిల్ల జన్మించింది.. కానీ.. దాని కళ్లు, ముక్కు.. గొర్రెపిల్లలా మాత్రం లేవు. కొండముచ్చును పోలి ఉంది.

ఏపీలోని చిత్తూరు జిల్లా పడమటి మండలాల్లో కొండలు ఎక్కువగా ఉంటాయి. అక్కడ.. గొర్రెలు, మేకలు మేపేవారు అధికం. సోమల మండలంలోని ఆవులపల్లికి చెందిన చంద్రబాబు సైతం.. గొర్రెలు కాస్తూ ఊపాధి పొందుతున్నాడు. అతనికి చెందిన మందలో.. పుట్టిన ఓ వింత గొర్రె పిల్ల.. అందర్నీ ఆశ్చర్యానికి గురి చేస్తోంది.

అది.. మామూలు గొర్రెలా మాత్రం లేదు. కళ్లు, ముక్కు.. అచ్చంగా కొండముచ్చుకు ఉన్నట్టే ఆ గొర్రెపిల్లకు ఉన్నాయి. ఇలా విభిన్నంగా పుట్టిన ఈ గొర్రెను.. చుట్టుపక్కల గ్రామస్థులు వింతగా చూస్తున్నారు. ప్రస్తుతం అది ఆరోగ్యంగానే ఉంది.

ఇదీ చూడండి: మంత్రులు, కలెక్టర్లతో సీఎం కేసీఆర్ సమావేశం