హైదరాబాద్ పాతబస్తీలో తెరాస ప్రభుత్వ పాలనలోనే విద్య ఉపాధి అవకాశాలు ఎంతో మెరుగుపడ్డాయని రాష్ట్ర హోంశాఖ మంత్రి మహమూద్ అలీ అన్నారు. చంపాపేట్లోని యాదగిరి నగర్లో ఓ డిగ్రీ కాలేజీ 2020 ఫెస్ట్ కార్యక్రమానికి ఆయన ముఖ్యఅతిథిగా హాజరయ్యారు. విద్యార్థులు ఉన్నత లక్ష్యం ఏర్పాటు చేసుకుని వాటిని సాధించే దిశగా శ్రద్ధతో కృషిచేయాలని హోంమంత్రి సూచించారు. మైనారిటీల విద్యకోసం ముఖ్యమంత్రి కేసీఆర్ ఎంతో చేశారన్నారు. దేవుడు మనకు మంచి సీఎంను ఇచ్చాడని మహమూద్ అలీ అభిప్రాయపడ్డారు.
కళాశాలలో ఫుడ్ ఫెస్ట్ సందర్భంగా విద్యార్థులు వివిధ రకాల ఆహార ఉత్పత్తులను ప్రదర్శించారు. అనంతరం విద్యార్థుల ఆటపాటలు, నృత్యాలతో అందరిని అలరించారు. ఈకార్యక్రమంలో కళాశాల ప్రిన్సిపాల్, డైరెక్టర్లు పాల్గొన్నారు.
దేవుడు మనకు మంచి ముఖ్యమంత్రిని ఇచ్చాడు: హోంమంత్రి
ఇవీ చూడండి: ముఖ్యమంత్రి పుట్టినరోజుకు మొక్కలు నాటండి: కేటీఆర్
