రాష్ట్రంలో కరోనా కేసులు పెరుగుతున్న తరుణంలో మహారాష్ట్ర నుంచి వచ్చే వాళ్లపై నిఘా పెంచామని మంత్రి ఈటల రాజేందర్ పేర్కొన్నారు. ఆ రాష్ట్రంలో కరోనా కేసులు ఎక్కువగా నమోదవుతున్నాయని అన్నారు. మహారాష్ట్ర నుంచి వచ్చే అన్ని మార్గాల్లో చెక్‌పోస్టుల ద్వారా నిరంతరం పర్యవేక్షిస్తున్నారని మంత్రి వెల్లడించారు.
ధర్మాబాద్, జహీరాబాద్, సిర్పూర్ కాగజ్‌నగర్, చందాపూర్ వద్ద ప్రత్యేక చెక్పోస్టులు ఏర్పాటు చేశామన్నారు. ఇటీవలే ఐఏఎస్ అధికారి అరవింద్‌ కుమార్ అమెరికా నుంచి వచ్చారని, ముందు జాగ్రత్తగా అరవింద్‌కుమార్‌కు విమానాశ్రయంలో స్క్రీనింగ్ పరీక్షలు చేయించామన్నారు.
ఇదీ చూడండి : సీఏఏకి వ్యతిరేకంగా అసెంబ్లీలో తీర్మానం
