సంక్రాంతికి ఏపీ ఆర్టీసీ ప్రత్యేక సర్వీసులు

సంక్రాంతి పండగ సందర్భంగా ప్రయాణికుల అవసరాలకు అనుగుణంగా ప్రత్యేక సర్వీసులు నడపనున్నట్లు ఏపీ ఆర్టీసీ అధికారులు వెల్లడించారు. విశాఖ నుంచి ఇతర ప్రాంతాలకు వెయ్యి బస్సులు నడుపుతామని ఆర్​ఎం దానం తెలిపారు.

సంక్రాంతి రద్దీ దృష్ట్యా ఏపీలో ప్రత్యేక బస్సులు నడపడానికి ఏర్పాట్లు చేసినట్లు ఆర్​ఎం దానం తెలిపారు. జనవరి 7వ తేదీ నుంచి 19వ తేదీ వరకు జిల్లాలోని అన్ని డిపోల పరిధిలో వెయ్యి బస్సులు నడుపుతామని తెలిపారు. విశాఖ నుంచి హైదరాబాద్​కు 109, చెన్నై- 3, విజయవాడ- 250, అమలాపురం, నర్సాపురం, భీమవరం- 13, రాజమహేంద్రవరం-200 , కాకినాడ- 85, నర్సీపట్నం డిపో నుంచి ప్రత్యేకంగా విజయవాడకు 15 బస్సులు నడపనున్నారు.

విజయనగరం, రాజాం, పాలకొండ, పార్వతీపురం, శ్రీకాకుళం, సోంపేట, ఇచ్ఛాపురం ప్రాంతాలకు 325 బస్సులు నడుపుతామని ఏపీ ఆర్టీసీ అధికారులు వెల్లడించారు.

ఇదీ చదవండి: ఇక రోజూ 5 వేల మందికి శబరిమల దర్శనం