జీహెచ్ఎంసీ ఎన్నికల్లో విద్యావంతులైన యువత పెద్దఎత్తున ఓటింగ్లో పాల్గొనాలని ఎస్ఈసీ పార్థసారథి కోరారు. రాజ్యాంగం కల్పించిన హక్కును ప్రతిఒక్కరూ వినియోగించుకోవాలన్నారు. అభివృద్ధిని నిర్ణయించే అధికారం ప్రజల చేతుల్లో ఉందని ఈ అవకాశాన్ని సద్వినియోగం చేసుకుని సరైన నాయకుడిని ఎన్నుకోవాలని సూచించారు.
కరోనా రోగులకు పోస్టల్ బ్యాలెట్ సౌకర్యం: ఎస్ఈసీ
కరోనా రోగులు, దివ్యాంగులకు, వృద్ధులకు పోస్టల్ బ్యాలెట్ సౌకర్యం కల్పిస్తున్నట్లు ఆయన స్పష్టం చేశారు. పోలింగ్ కేంద్రాల వద్ద వారికి ప్రత్యేక ఏర్పాట్లు చేసినట్లు వెల్లడించారు. కరోనా వల్ల అన్ని జాగ్రత్తలు తీసుకుంటున్నామని....నిర్భయంగా ఓటు వేయాలని సూచించారు. ప్రజలు అధికసంఖ్యలో ఓటింగ్లో పాల్గొని పోలింగ్ శాతాన్ని పెంచాలని ఎస్ఈసీ పార్థసారథి విజ్ఞప్తి చేశారు.
