ఇందిరాపార్క్ వద్ద షర్మిల దీక్షకు అనుమతి

ఇందిరా పార్కు వద్ద వైఎస్​ షర్మిల రేపు నిర్వహించ తలపెట్టిన దీక్షకు పోలీసులు అనుమతిచ్చారు. ఉదయం 10 గంటల నుంచి సాయంత్రం 5 గంటల వరకు దీక్ష కొనసాగనుంది.

రాష్ట్రంలోని యువతకు ఉద్యోగాలు కల్పించాలని కోరుతూ వైఎస్​ షర్మిల రేపు నిర్వహించనున్న దీక్షకు ఒకరోజు అనుమతి లభించింది. ఇందిరా పార్కు వద్ద మూడు రోజుల దీక్షకు షర్మిల ప్రతినిధులు పోలీసులను అనుమతి కోరగా.. రేపు ఒక్కరోజు మాత్రమే దీక్ష నిర్వహించుకునేలా అనుమతించారు.

ఉదయం 10 గంటల నుంచి సాయంత్రం 5 గంటల వరకు షర్మిల దీక్షకు పోలీసులు పర్మిషన్ ఇచ్చారు. నిరుద్యోగుల కోసం దీక్ష చేస్తానని ఖమ్మం సభలో షర్మిల ప్రకటించిన విషయం తెలిసిందే.