PETBASHEERABAD MURDER CASE UPDATE: హైదరాబాద్ శివారు ప్రాంతం దూలపల్లిలో జరిగిన పరువుహత్య కేసును పోలీసులు ఛేదించారు. ప్రేమించిన యువతి సోదరుడు దీన్దయాల్నే ప్రధాన నిందితునిగా దర్యాప్తులో పేర్కొన్నారు. దేవరకొండ హరీశ్ బావ మరిదితో పాటు.. యువతి సోదరుడికి సహకరించిన మరో పది మందిని అదుపులోకి తీసుకుని విచారిస్తున్నారు. ఈ హత్య కేసులో పోలీసులు పలు విషయాలను రిపోర్టులో పేర్కొన్నారు.
అసలేం జరిగింది: రెండు రోజుల క్రితం మేడ్చల్ జిల్లా సూరారంలో నివాసం ఉంటున్న హరీశ్ను గుర్తు తెలియని వ్యక్తులు హత్య చేశారు. ఓ మహిళతో పాటు ముగ్గురు వ్యక్తులు ద్విచక్రవాహనంపై వచ్చి కత్తులతో దారుణంగా నరికి చంపి అక్కడి నుంచి వెళ్లిపోయారు. ఈ విషయంపై సమాచారం అందుకున్న పోలీసులు దర్యాప్తును వేగంగా చేశారు. ఈ హత్యకు ప్రేమ వ్యవహారమే కారణమని భావించి.. ఆ కోణంలో విచారణను ముమ్మరం చేశారు.
పోలీసులు విచారిస్తున్న సమయంలో అనేక విషయాలు వెలుగులోకి వచ్చాయి. గతంలో హరీశ్ అమీర్పేట్లోని ఎల్లారెడ్డిగూడెంలో ఉంటున్నప్పుడు.. అక్కడే ఓ అమ్మాయిని ప్రేమించినట్లు స్థానికులు పోలీసులు చెప్పారు. ఈ క్రమంలో తన చెల్లి వెంట పడొద్దంటూ యువతి సోదరుడు హరీశ్ను హెచ్చరించినట్లు తెలుసుకున్నారు. దీంతో హరీశ్ కుటుంబం 6 నెలల క్రితం దూలపల్లిలోని సూరారం కాలనీకి మకాం మార్చారు.
అయినా ఇంకా తన అమ్మాయి వెంట పడుతున్నాడని యువతి కుటుంబ సభ్యులు పగ పెంచుకుని..ఎలాగైనా అంతం చేయాలని అనుకొని హత్య జరగడానికి రెండు రోజుల ముందు నుంచి హరీశ్ కదలికలపై నిఘా పెట్టారు. అతను ఒంటరిగా ఉండడం చూసి అతి కిరాతకంగా హత్య చేశారని పోలీసుల విచారణలో తేలింది. మొదటిగా ముగ్గురు నిందితులను అదుపులోకి తీసుకొని.. వారిని వివిధ కోణాల్లో ప్రశ్నించారు.
హరీశ్తో గొడవపడిన యువతి సోదరుడు: హత్య జరగడానికి 6 నెలలు ముందు హరీశ్తో యువతి సోదరుడు దీన్దయాల్ గొడవ పడ్డాడు. ఇంకోసారి తన చెల్లి జోలికి రావద్దని హెచ్చరించాడు. ఆ హెచ్చరికలను లెక్క చేయకుండా హరీశ్, యువతి ఎప్పుడూ కలిసే వారు. ఈ విషయం యువతి కుటుంబ సభ్యులకు కూడా తెలియడంతో వారు సైతం హరీశ్ను బెదిరించారు.
వీరి ప్రేమ విషయం ఇంట్లో తెలియడంతో వారు మరుసటిరోజు యువతి కళాశాలకు వెళ్లినప్పుడు వారు కలుసుకున్నారు. ఇరువురి ఇంట్లో వివాహానికి ఒప్పుకోరని చెప్పుకుని.. వారికి దూరంగా వెళ్లి పెళ్లి చేసుకోవాలని అనుకున్నారని పోలీసులు రిపోర్టులో పేర్కొన్నారు. అప్పుడు ఈ విషయం మొత్తాన్ని హరీశ్ తనకు నమ్మకం ఉన్న పుల్లయ్యకు తెలిపాడు. ఏదో ఒక ఉద్యోగం చూడాలని అతనిని ప్రాదేయపడ్డాడు. అందుకు అతను అంగీకరించి ఉద్యోగం చూశాడు. అయితే ఇతను కూడా హరీశ్ హత్య కేసులో నిందితుడిగా ఉన్నాడు.
ఇవీ చదవండి:
