హైదరాబాద్ జవహర్ నగర్లో మున్సిపల్ వ్యర్థాల నుంచి విద్యుత్ ఉత్పత్తి చేసే ప్లాంట్ను నెల రోజుల్లో ప్రారంభించనున్నట్లు జీహెచ్ఎంసీ కమిషనర్ దానకిషోర్ తెలిపారు. దీని సామర్థ్యం 30 మెగా వాట్లుగా ఉంటుందని వివరించారు. పాట్నా మున్సిపల్ కార్పొరేషన్కు చెందిన 15 మంది కార్పొరేటర్లు, అధికారులు గ్రేటర్ హైదరాబాద్ను సందర్శించి మేయర్ బొంతు రామ్మోహన్, కమిషనర్లతో విడివిడిగా సమావేశమయ్యారు.
ఇతర కార్పొరేషన్లకు ఆదర్శం
కోటికి పైగా జనాభా ఉన్న భాగ్యనగరంలో పారిశుద్ధ్యం నిర్వహణ అత్యంత క్లిష్టమైనా... సాంకేతిక సాయంతో దానిని అధిగమించామని మేయర్ బొంతు రామ్మోహన్ అన్నారు. స్వచ్ఛ కార్యక్రమాల నిర్వహణలో జీహెచ్ఎంసీ దేశంలోనే ఇతర కార్పొరేషన్లకు ఆదర్శంగా నిలిచిందని తెలిపారు. ప్రజలను సైతం ఇందులో భాగస్వామ్యం చేస్తున్నామని వివరించారు. పారిశుద్ధ్య నిర్వహణ కోసం మరో మూడు నెలల్లో 25 వేల మందిని నియమించనున్నట్లు పేర్కొన్నారు. ముఖ్యంగా డ‌బుల్ బెడ్‌రూం ఇళ్ల నిర్మాణం, వ్యూహాత్మక ర‌హ‌దారుల కార్యక్రమం, స్వచ్ఛ కార్యక్రమాల నిర్వహణ, అభివృద్ధి ప‌థ‌కాల‌కు బాండ్ల రూపేణ నిధుల సేక‌ర‌ణ త‌దిత‌ర అంశాల‌ను మేయర్ రామ్మోహన్ వారికి వివరించారు.
ఇదీ చదవండి : 'నిమ్స్లో దీక్షను విరమించిన లక్ష్మణ్'
