యూనియన్‌ బ్యాంక్ ఆఫ్‌ ఇండియా తెలంగాణ రాష్ట్రంలో తొమ్మిది ప్రాంతీయ కార్యాలయాలతోపాటు దేశ వ్యాప్తంగా 125 ప్రారంభించినట్లు ఆ బ్యాంక్ జనరల్‌ మేనేజర్‌ కారె భాస్కర్‌రావు తెలిపారు. తెలంగాణ జోన్‌ పరిధిలో ఇప్పుడున్న ఎనిమిది ప్రాంతీయ కార్యాలయాలతోపాటు కొత్తగా ఖమ్మంలో ప్రాంతీయ కార్యాలయాన్ని ఏర్పాటు చేసినట్లు తెలిపారు.
యూనియన్‌ బ్యాంక్ ఆఫ్‌ ఇండియా దేశంలో ఐదవ అతి పెద్ద బ్యాంకుగా, నాల్గవ అతిపెద్ద బ్యాంకింగ్‌ నెట్‌వర్క్‌గా అవతరించినట్లు చెప్పారు. దేశ వ్యాప్తంగా 9,500లకు పైగా బ్రాంచులు, 13,500లకుపైగా ఏటీఎంలు తమ బ్యాంకు కలిగి ఉన్నట్లు తెలిపారు. కేంద్ర కార్యాలయం ముంబయిలోనే కొనసాగుతుందని అన్నారు. ఈ కార్యక్రమానికి బ్యాంక్ మేనేజింగ్‌ డైరెక్టర్లు, కార్యనిర్వహక సంచాలకులు, జోనల్‌ ప్రతినిధులు, చీఫ్‌ జనరల్‌ మేనేజర్లు, తదితరులు హాజరయ్యారు.
ఇదీ చూడండీ : సుప్రీంకోర్టులో మంత్రి కేటీఆర్‌ కేవియట్‌ దాఖలు
