కృష్ణమ్మ పరవళ్లు... ప్రకాశం బ్యారేజీ 70 గేట్లు ఎత్తివేత

ఎగువ ప్రాంతాల నుంచి విజయవాడ ప్రకాశం బ్యారేజీకి భారీగా వరద నీరు చేరుతోంది. అధికారులు బ్యారేజీ 70 గేట్లు ఎత్తి నీటిని విడుదల చేస్తున్నారు.

ఎగువ నుంచి ఉరకలేసుకుంటూ కృష్ణమ్మ తరలి వస్తోంది. నీరు బ్యారేజీ వద్దకు భారీగా చేరుతోంది. ప్రవాహం పెరిగినందున విజయవాడ వద్ద ప్రకాశం బ్యారేజీ 70 గేట్లను ఎత్తి అధికారులు నీటిని విడుదల చేశారు. పరవళ్లు తొక్కుతూ కృష్ణమ్మ కిందికి ప్రవహిస్తోంది. బ్యారేజ్‌ వద్ద నీటి మట్టం 10 అడుగుల వద్ద కొనసాగుతోంది. ఎగువ రాష్ట్రాల్లో కురుస్తున్న వర్షాల వల్ల వరదనీరు ఇంకాపెరిగే అవకాశం ఉందని అధికారులు గుర్తించారు. ఈ తరుణంలో పట్టిసీమ నుంచి వస్తున్న నీటిని నిలుపుదల చేశారు.

అధికారుల అప్రమత్తం

ఏపీ ప్రకాశం జిల్లా కలెక్టరు ఇంతియాజ్‌ అహ్మద్‌, సంయుక్త కలెక్టరు మాధవీలత ఎప్పటికప్పుడు నీటి ప్రవాహ పరిస్థితిని సమీక్షిస్తున్నారు. ఇప్పటికే కృష్ణా పరీవాహక ప్రాంతంలోని అధికారులతో టెలీకాన్ఫరెన్స్‌ నిర్వహించి అప్రమత్తంగా ఉండాలని ఆదేశించారు. అధికారులకు సెలవులు రద్దు చేశారు. నదీ తీరం వెంబడి వరద ముంపునకు గురయ్యే ప్రాంతాల ప్రజలను అప్రమత్తం చేయటంతో పాటు వారిని సురక్షిత ప్రాంతాలకు తరలించేందుకు తగిన చర్యలు తీసుకోవాలని ఇప్పటికే స్పష్టం చేశారు. పదేళ్ల తర్వాత కృష్ణమ్మ పరవళ్లు చూసి పరీవాహక రైతులు ఆనందం వ్యక్తం చేస్తున్నారు.

ఇదీ చూడండి: ఒక్కసారి తాగితే మళ్లీ అడుగుతారు