హైదరాబాద్ గోల్కొండ పీఎస్ పరిధిలోని అల్జాపూర్లో ఓ గుర్తుతెలియని మృతదేహం లభ్యమైంది. గమనించిన స్థానికులు పోలీసులకు సమాచారమందించారు. ఘటనాస్థలానికి చేరుకున్న పోలీసులు దర్యాప్తు చేయగా.. అక్కడే ఉన్న యాక్టివా వాహనంలో కొన్ని పత్రాల ద్వారా మృతుడు మల్లెపల్లి నివాసి రాహుల్చంద్ అగర్వాల్గా పోలీసులు గుర్తించారు.
అతన్ని గుర్తుతెలియని దుండగులు తలపై బండరాయితో మోది దారుణంగా చంపేసినట్లు పోలీసులు తెలిపారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. హత్యకు గల కారణాలను కేసును దర్యాప్తు చేసి తెలుసుకోనున్నట్లు పోలీసులు వెల్లడించారు.
