కేసీఆర్, అజయ్​పై కేసులు నమోదు చేయాలి: రేవంత్ రెడ్డి

ఆత్మహత్య చేసుకున్న ఆర్టీసీ డ్రైవరు శ్రీనివాస్​రెడ్డి మరణవాంగ్మూలాన్ని సాక్ష్యంగా తీసుకుని మంత్రి పువ్వాడ అజయ్​కుమార్, ముఖ్యమంత్రి కేసీఆర్​పై కేసులు నమోదు చేయాలని ఎంపీ రేవంత్​రెడ్డి డిమాండ్ చేశారు.

ప్రభుత్వ నిర్లక్ష్య వైఖరి వల్లే ఆర్టీసీ డ్రైవర్ శ్రీనివాస్​రెడ్డి ఆత్మహత్య చేసుకున్నారని ఎంపీ రేవంత్​రెడ్డి ఆరోపించారు. రాజ్యాంగంలో లేని పద్ధతిని తీసుకొచ్చి సీఎం ఆర్టీసీ ఉద్యోగులను బాధపెడుతున్నారని తెలిపారు. శ్రీనివాస్ రెడ్డి మరణ వాంగ్మూలాన్ని సాక్షిగా తీసుకుని మంత్రి పువ్వాడ అజయ్, సీఎం కేసీఆర్​పై కేసులు నమోదు చేయాలని డిమాండ్ చేశారు. శ్రీనివాస్​రెడ్డి కుటుంబానికి రూ.50 లక్షల పరిహారం ఇవ్వాలన్నారు. ఆర్టీసీ కార్మికులు తీసుకోబోయే భవిష్యత్తు కార్యాచరణకు కాంగ్రెస్ సంపూర్ణ మద్దతు తెలుపుతుందని రేవంత్​రెడ్డి స్పష్టం చేశారు.

ఇదీ చదవండిః అలర్ట్​: ఆర్టీసీలో ఉద్యోగాలకు నోటిఫికేషన్​ విడుదల