భాజపాను గెలిపిస్తే అన్ని సమస్యలు పరిష్కరిస్తా: మంజుల

తనను గెలిపిస్తే డివిజన్​లోని అన్ని సమస్యలను పరిష్కారిస్తారని హైదరాబాద్ పాతబస్తీ మొగల్​పుర డివిజన్ భాజపా అభ్యర్థి మంజుల రూప్​రాజ్​ తెలిపారు. ప్రజలకు అన్ని విధాల అండగా ఉంటానని హామీ ఇచ్చారు.

గ్రేటర్​ పోరులో భాగంగా హైదరాబాద్ పాతబస్తీ మొగల్​పుర డివిజన్​లో భాజపా అభ్యర్థి చెర్మని మంజుల రూప్​రాజ్ పాదయాత్ర నిర్వహించారు. డివిజన్​లో ఉన్న సమస్యలను స్థానికులు తమ దృష్టికి తీసుకొచ్చినట్లు తెలిపారు. తాను గెలిస్తే అన్ని విధాల అండగా ఉంటానని.. డివిజన్​లో ఉన్న సమస్యలు పరిష్కరిస్తానని హామీ ఇచ్చినట్లు పేర్కొన్నారు. డివిజన్​లో ముఖ్యంగా డ్రైనేజీ, రోడ్లు ఇతర సమస్యలు ఉన్నాయని మంజుల రూప్​రాజ్ తెలిపారు.

ఎన్నికల ప్రచారంలో యాకుత్పురా నియోజకవర్గం భాజపా ఇన్​ఛార్జి రూప్ రాజ్, పాశం సురేందర్, కుమార్ పలువులు నేతలు, కార్యకర్తలు పాల్గొన్నారు.

ఇవీచూడండి: జీహెచ్ఎంసీ బరిలో 1121 మంది అభ్యర్థులు