రాజ్యాంగ బద్ధ పదవిలో ఉన్న గవర్నర్ను భాజపా అధ్యక్షులుగా తెరాస ఎమ్మెల్యే వ్యాఖ్యానించడాన్ని ఎమ్మెల్సీ రాంచందర్ రావు తీవ్రంగా ఖండించారు. ఇది ఆయన అభిప్రాయమా లేక తెరాసదో స్పష్టం చేయాలని డిమాండ్ చేశారు.
గతంలో ఉన్న గవర్నర్ను ఎలా చూశారు.. ఈ గవర్నర్ను ఎలా చూస్తున్నారని ప్రశ్నించారు. పశ్చిమ బెంగాల్ ముఖ్యమంత్రి ఆ రాష్ట్ర గవర్నర్పై ఇలా ఆరోపణలు చేసే నవ్వుల పాలయ్యారని గుర్తు చేశారు. గవర్నరే కాదు హైకోర్టు సైతం ప్రభుత్వానికి చివాట్లు పెట్టిందని తెలిపారు.
గవర్నర్ నిమ్స్కు వెళ్లడంతో పాటు క్షేత్ర స్థాయిలో పర్యవేక్షించి నివేదికలు తెప్పించుకున్న తరువాతే స్పందించారని చెప్పారు. తప్పు ప్రభుత్వంపై పెట్టుకొని గవర్నర్ వ్యాఖ్యలపై రాజకీయాలు చేయాలని తెరాస చూస్తుందని మండిపడ్డారు.
ఇదీ చూడండి: కొత్త విద్యా విధానం... కొన్ని సవాళ్లు!
