రాజాసింగ్ ఔదార్యం... రోజూ వెయ్యిమందికి భోజనం

లాక్​డౌన్​ నేపథ్యంలో హైదరాబాద్ నగరంలో ప్రజలకు పలువురు రాజకీయ నాయకులు అండగా ఉంటూ మానవత్వాన్ని చాటుకుంటున్నారు. గోషామాల్ నియోజకవర్గ నిరుపేద ప్రజలతోపాటు కూలీల కోసం స్థానిక ఎమ్మెల్యే రాజాసింగ్ భోజన పథకం ప్రారంభించారు.

గోషామాల్​ నియోజకవర్గంలో రోజు 1000 మందికి ఉచితంగా భోజనం ఏర్పాటు చేస్తున్నట్లు శాసనసభ్యుడు రాజాసింగ్​ తెలిపారు. ఎమ్మెల్యేనే స్వయంగా వంట చేశారు. కరోనా నివారణ చర్యల్లో భాగంగా కేంద్ర, రాష్ట్ర ప్రభుత్వాలు లాక్​డౌన్​ ప్రకటించిన నేపథ్యంలో... రోజువారీ కూలీల ఇక్కట్లను గ్రహించి.. వారి ఆకలిదప్పికలను తీర్చడానికి... ముందుకొచ్చినట్లు రాజాసింగ్ తెలిపారు. ఈ భోజన పథకం రోజూ కొనసాగుతుందని ఆయన పేర్కొన్నారు.