హఫీజ్​లకు సరకులు పంపిణీ చేసిన అక్బరుద్దీన్​ ఒవైసీ

వేతనాలు లేక ఇబ్బందులు పడుతున్న హఫీజ్​లను చంద్రాయణగుట్ట ఎమ్మెల్యే అక్బరుద్దీన్​ ఒవైసీ ఆదుకున్నారు. 250 మందికి నిత్యావసర సరకులతో పాటు నగదును అందించారు.

పవిత్ర రంజాన్ మాసంలో మసీదులలో జరగాల్సిన ప్రత్యేక తరావి నమాజ్ ప్రార్థనలు లాక్​డౌన్ కారణంగా మసీదుల్లో జరగకుండా పోయాయి. తరావి నమాజ్ చదివించే హఫీజ్​లకు వేతనాలు లేకపోవడం వల్ల వారి పరిస్థితులు దుర్భరంగా మారాయి.

విషయం తెలుసుకున్న చంద్రాయణగుట్ట ఎమ్మెల్యే అక్బరుద్దీన్ ఒవైసీ హైదరాబాద్ బండ్లగూడలోని ఎంఎం కాలనీలో నియోజకవర్గంలో ఉండే 250 మంది హఫీజ్​లకు నిత్యావసర సరకులతో పాటు నగదును అందించి వారిని ఆదుకున్నారు. సాలరే మిల్లత్ ఎడ్యుకేషనల్ ట్రస్ట్ ద్వారా హఫీజ్​లకు నిత్యావసర సరకులు, నగదును అందజేశారు.

ఇవీ చూడండి: గ్రేటర్​ పరిధిలో ప్రారంభంకానున్న 45 బస్తీ దవాఖానాలు