కొందరికి ఆధ్యాత్మిక ప్రాంతం, మరికొందరికి పర్యటక క్రేజ్ ... ఏది ఏమైనా అది ఓ మిస్టీరియస్ ప్రాంతమనే చెప్పాలి. హిమాలయాల్లో సముద్రమట్టానికి దాదాపు 5వేల మీటర్ల ఎత్తులో ఉన్న ప్రాంతం రూప్కుంద్ సరస్సు. ఉత్తరాఖండ్ ప్రజలు ఎక్కువగా కొలిచే నందా దేవి ఆలయానికి వెళ్లే మార్గంలో దర్శనమిస్తుంది. ఏడాదిలో 11 నెలలు మంచుతో కప్పబడి ఉండే ఈ ప్రాంతం కేవలం ఒక్క నెల రోజులు మాత్రమే మంచు కరిగి సరస్సుగా కనిపిస్తుంది. అలాంటి ప్రాంతంలో ఎటు చూసినా పుర్రెలు, మానవ కళేబరాలే దర్శనమిస్తుంటాయి.
500 మంది
సుమారు 500 మంది వరకు ఇక్కడ మరణించి ఉంటారని ఓ అంచనా. ఇప్పటి వరకు ఈ కళేబరాలకు సంబంధించి అనేక కథలు ప్రచారంలో ఉండేవి. దీనిపై గత పదేళ్లుగా సీసీఎంబీ పరిశోధనలు చేస్తోంది. అనేక డీఎన్ఏ పరీక్షల అనంతరం ఇటీవల అత్యంత విలువైన సమాచారాన్ని గుర్తించింది. రూప్కుంద్ నుంచి 72 ఎముకలను సేకరించిన సీసీఎంబీ హార్వర్డ్ మెడికల్ స్కూల్, జర్మనీకి చెందిన మరో సంస్థ, భారత్లో ఆర్కియోలాజికల్ సర్వే ఆఫ్ ఇండియా, డెక్కన్ కాలేజీ పుణే, బీర్బల్ సెతానీ ఇన్స్టిట్యూట్ లఖ్నవూతో కలిసి అనేక పరిశోధనలు చేసింది.
19వ దశాబ్దంలో
ఎన్షియంట్ డీఎన్ఏని ఆయా ఎముకల నుంచి సేకరిచింది. వాటికి కార్బన్ డేట్ ఎనాలిసిస్తోపాటు డీఎన్ఏ పరీక్షలు చేశారు. ఆ ఎముకలు ఒక ప్రాంతానికో లేక ఒక తెగకో చెందిన వారివి కాదని గుర్తించింది. ఇక ఈ 72 ఎముకల్లో స్త్రీ పురుషులవి ఉన్నాయని స్పష్టం చేసింది. ఇందులో కొందరు భారత్కు చెందిన వారు కాగా... మరికొందరు గ్రీక్, చైనీస్, ఇరాయని తెగలకు చెందిన వారని గుర్తించింది. కార్బన్ డేట్ ఎనాలిసిస్ చేసిన సీసీఎంబీ భారత్కు చెందిన వారు సుమారు 7 నుంచి 9 దశాబ్దాల మధ్య ఇక్కడ చనిపోగా, మిగతా వారు సుమారు 19వ దశాబ్దంలో ఇక్కడకి వచ్చారని పేర్కొంది.
అంతర్జాతీయ సైన్స్ మ్యాగజైన్
అక్కడ లభించిన ఆధారాలు, డీఎన్ఏ పరీక్షలు చేసిన సీసీఎంబీ.. వారంతా నందాదేవి దర్శనానికి లేక పర్యాటకానికి వచ్చిన వారై ఉంటారని పేర్కొంది. ఈ మేరకు సీసీఎంబీ శాస్త్రవేత్త తంగరాజ్ రాసిన ఆర్టికల్ అంతర్జాతీయ సైన్స్ మ్యాగజైన్లో ప్రచురితం కావటం విశేషం. త్వరలో రూప్కుంద్లోని అన్ని ఎముకల డీఎన్ఏలపై పరిశోధన చేసే దిశగా కృషి చేసి.. రహస్యాన్ని ఛేదిస్తామంటున్నారు సీసీఎంబీ శాస్త్రవేత్తలు.
దశాబ్దాల నుంచి మిస్టరీగా మారిన రూప్కుంద్ సరస్సుపై సీసీఎంబీ జరిపిన పరిశోధనలకు ప్రపంచ స్థాయిలో గుర్తింపు లభించిందనే చెప్పాలి.
ఇదీ చదవండిః చెక్డ్యామ్ నిర్మాణంతో పెరగనున్న భూగర్భజలాలు
