ఐదేళ్లలో యాభై ఏళ్ల అభివృద్ధి: పువ్వాడ అజయ్

తెరాస ప్రభుత్వ హయాంలో హైదరాబాద్ అన్ని రంగాల్లో అభివృద్ధి సాధించిందని రవాణాశాఖ మంత్రి పువ్వాడ అజయ్ పేర్కొన్నారు. కూకట్​పల్లి ఎమ్మెల్యే కృష్ణారావు సమక్షంలో భాజపా నాయకులు పెద్దసంఖ్యలో తెరాసలో చేరారు. ఈ కార్యక్రమంలో మంత్రి వారిని పార్టీలోకి ఆహ్వానించారు.

కూకట్​పల్లి డివిజన్​లో యాభై ఏళ్లుగా జరగని అభివృద్ధి ఐదేళ్లలో చేశామని రవాణాశాఖ మంత్రి పువ్వాడ అజయ్​ వెల్లడించారు. హైదరాబాద్​ను అన్ని రంగాల్లో ముందంజలో నిలిపామని ఆయన అన్నారు. ప్రభుత్వ సంక్షేమ పథకాలే తెరాస అభ్యర్థులను గెలిపిస్తాయని మంత్రి తెలిపారు.

కూకట్​పల్లి డివిజన్​లోని భాజపా నాయకులను కండువా కప్పి పెద్దసంఖ్యలో పార్టీలోకి ఆహ్వానించారు. తెరాస అభ్యర్థి మందడి శ్రీనివాసరావును భారీ మెజారిటీతో గెలిపించాలని ప్రజలను కోరారు. ఈ కార్యక్రమంలో కార్యకర్తలు, నాయకులు పెద్దఎత్తున పాల్గొన్నారు.

ఇదీ చూడండి:ప్రశ్నించే గొంతునే గెలిపించండి: భాజపా అభ్యర్థి