కొన్ని నెలల్లో టీ హబ్ ఫేస్-2, వచ్చే నెలలో టీ-వర్క్స్ ప్రారంభమౌతాయని పరిశ్రమల శాఖ మంత్రి కేటీఆర్ తెలిపారు. ఆన్లైన్ వేదికగా టై- హైదరాబాద్ చాప్టర్ ఆధ్వర్యంలో జరుగుతున్న టై-గ్లోబల్ సమ్మిట్లో ఆయన పాల్గొన్నారు. కొవిడ్ సమయంలో పదో వంతు ఖర్చుతో పూర్తి స్థాయి వెంటిలేటర్, కొవిడ్ టెస్టింగ్ కిట్, క్వారంటైన్కు సంబంధించి యాప్ ఆవిష్కరణలు జరిగాయని తెలిపారు.
ఎంటప్రిన్యూయార్ షిప్ను వృద్ధి చేసేందుకు కావాల్సిన వాతావరణం సృష్టించేందుకు ప్రపంచ స్థాయి సంస్థలను స్థాపించామని పేర్కొన్నారు. టై గ్లోబల్ హెడ్ క్వార్టర్స్ హైదరాబాద్లో స్థాపించాలనుకోవటం సంతోషమని, దీనిపై కలిసి పనిచేస్తామని తెలిపారు.
ఇదీ చూడండి: జోరుమీదున్న భాజపా.. సత్తా చాటేందుకు వ్యూహాలు
