ముఖ్యమంత్రి కేసీఆర్ కృషితోనే కాళేశ్వరం ద్వారా గోదావరి జలాలు సూర్యాపేట జిల్లా చివరి ఆయకట్టు వరకు చేరుకున్నాయని మంత్రి జగదీశ్ రెడ్డి అన్నారు. ఎస్సారెస్పీ కాల్వలకు చేయాల్సిన మరమ్మతులపై నీటిపారుదల శాఖ ఈఎన్సీ, ఇంజినీర్లతో హైదరాబాద్లో సమీక్షించారు. కాలువల సర్వే సందర్భంగా గుర్తించిన సమస్యలన్నీ జూన్ చివరినాటికి పరిష్కరించుకోవాలన్న ముఖ్యమంత్రి ఆదేశాలపై అధికారులతో సమీక్షించినట్లు వెల్లడించారు.
ప్రజలకు ఇచ్చిన మాట నెరవేర్చడమే తమ లక్ష్యమని మంత్రి పేర్కొన్నారు. ఎస్ఎల్బీసీ సొరంగ మార్గ పనులు కూడా పూర్తి చేసేలా గుత్తేదారుకు ప్రభుత్వ పరంగా సహకరిస్తున్నామని... పాలమూరు-రంగారెడ్డి, డిండి ప్రాజెక్టులపై త్వరలోనే ముఖ్యమంత్రి త్వరలోనే సమీక్షిస్తారని వెల్లడించారు.
విద్యుత్ డిమాండ్ తగ్గట్లు ఏర్పాట్లు
విద్యుత్ డిమాండ్ ఊహించిందేనని...ఎత్తిపోతల వల్ల వచ్చే అదనపు డిమాండ్కు సిద్ధంగా ఉండాలని సీఎం ముందే చెప్పారన్నారు. ఎంత విద్యుత్ డిమాండ్ ఉన్నా ఇబ్బంది లేదని...అవసరమైన మేర విద్యుత్ ఇచ్చేందుకు సిద్ధంగా ఉన్నామని వెల్లడించారు.
