ఎయిడ్స్​పై అవగాహన పెరగాలి: మంత్రి ఈటల

ప్రపంచ ఎయిడ్స్ దినోత్సవం సందర్భంగా హైదరాబాద్​లోని నిజాం కాలేజీ నుంచి రవీంద్రభారతి వరకు నడక ర్యాలీలు నిర్వహించారు. ఈ కార్యక్రమంలో పెద్ద ఎత్తున యువత, స్వచ్ఛంద సంస్థల అధికారులు పాల్గొన్నారు.

రాష్ట్ర ఎయిడ్స్ నివారణ సొసైటీ ఆధ్వర్యంలో ఎయిడ్స్ వ్యాధి వ్యతిరేక నడకను చేశారు. అనంతరం రవీంద్రభారతిలో నిర్వహించిన కార్యక్రమంకు మంత్రి ఈటల రాజేందర్ హాజరయ్యారు.

ఎయిడ్స్ వ్యాధిపై దేశవ్యాప్తంగా అవగాహన పెరిగిందని మంత్రి అన్నారు. రాష్ట్రంలో గతంలో 2 శాతం ఉన్న ఎయిడ్స్ వ్యాధి గ్రస్తులు ప్రస్తుతం 0.7 శాతానికి తగ్గిందన్నారు. ఈ కార్యక్రమంలో పలువురు విద్యార్థులు, స్వచ్ఛంద సంస్థల ప్రతినిధులు పాల్గొన్నారు.

ఇదీ చూడండి : సీఎం కేసీఆర్​ స్పందించకపోవడం దారుణం : రేవంత్​