మారేడుపల్లి పేరు చెప్పగానే టక్కున గుర్తొచ్చేది రామ్సర్ హోటల్.. అక్కడ దొరికే ఇరానీ చాయ్. ఏళ్ల తరబడి చాయ్ ప్రేమికుల అభిమానాన్ని చూరగొన్న ఈ హోటల్ నేటితో మూతపడింది. 1962 లో ప్రారంభమైన ఈ హోటల్ వృద్ధుల నుంచి చిన్నారుల వరకు అందరికీ సుపరిచితమే. అలాంటిదిప్పుడు వ్యాపారం లేక మూసేశారు.
ఇంతటి అభిమానాన్ని చూరగొన్న ఈ హోటల్ నేటితో మూసేస్తున్నారంటే చాయ్ అభిమానులు తట్టుకోలేకపోతున్నారు. ఎక్కడెక్కడి నుంచి వచ్చినా ఇక్కడ చాయ్ తాగనిదే వెళ్లేవారం కాదంటూ జ్ఞాపకాలు నెమరు వేసుకున్నారు.
మాకు బాధగానే ఉంది
ఈ హోటల్ మూసేయడం తమకెంతో బాధగా ఉందని యజమాని తెలిపారు. నిత్యం వెయ్యి మందికి పైగా చాయ్ తాగేందుకు వచ్చేవారని చెప్పుకొచ్చారు. ఇక్కడ వినియోగదారులకు.. సిబ్బందికి మధ్య విడదీయలేని చాయానుబంధం ఏర్పడిందన్నారు. నేటితో హోటల్ మూసేస్తున్నందున ఈరోజు అందరకీ ఉచితంగా చాయ్ బిస్కెట్ అందించారు. స్థానికులు హోటల్తో తమ జ్ఞాపకాలను నెమరువేసుకున్నారు. స్వీయచిత్రాలు తీసుకున్నారు.
ఇదీ చూడండి: కేఫే ద లోకో రెస్టారెంట్... కుక్కలకు మాత్రమే
