ముదిమి వయసులోనూ... పేద ప్రజలకు ఏదో సేవ చేయాలని తలచిన వృద్ధ జంట... తమ మూలాలున్న దేశానికొచ్చారు. ప్రకృతిని ఆస్వాధించాలన్న వారి కోరికలోనే సేవా మార్గాన్ని వెతుక్కున్నారు. ఏ రోడ్డులోనైనా ప్రయాణించేందుకు ప్రత్యేకంగా సౌకర్యవంతమైన ఓ త్రిచక్ర వాహనాన్ని తయారు చేయించుకుని మరీ... నగరాలను చుట్టేస్తున్నారు. భారత్లో గూంజ్ అనే స్వచ్ఛంద సంస్థ... పాత బట్టలు సేకరించి వాటిని సరికొత్త తరహాలో తయారుచేసి పేద ప్రజలకు అందజేస్తుంది. ఆ సంస్థకు ఆర్థికసాయాన్ని అందించాలనే ఉద్దేశంతో భారత్లో త్రిచక్ర వాహనంతో సాహసయాత్రకు సిద్ధమయ్యారు లండన్కు చెందిన అలెన్ దంపతులు.
సేవే లక్ష్యం: భారత్ రోడ్లపై లండన్ వృద్ధ జంట చక్కర్లు
రూ.6 కోట్లతో ప్రత్యేక వాహనం...
లండన్లో వ్యాపారవేత్త అయిన అలెన్ బ్రాత్ వేట్, అతని భార్య పాట్తో కలిసి నాలుగు రోజుల క్రితం ముంబయి చేరుకున్నారు. 2018లో మోర్గాన్ సంస్థకు చెందిన ఓ పాతకారును రూ.6 కోట్లతో సరికొత్త త్రిచక్రవాహనంగా తయారు చేయించారు. ఏ రహదారిలోనైనా సులభంగా ప్రయాణించేలా వాహనాన్ని తయారు సిద్ధం చేసుకుని భారత్ రోడ్లపై దూసుకుపోతున్నారు.
5,600 కిలోమీటర్లు చుట్టేసేలా...
35 రోజుల్లో 5,600 కిలోమీటర్లు చుట్టి రావాలని 'ట్సాన్స్ ఇండియా ఛాలెంజ్' పేరుతో ప్రణాళిక సిద్ధం చేసుకున్నారు అలెన్. నాలుగు రోజుల క్రితం ముంబయికి వచ్చిన ఈ జంట రోజుకు 300 కిలోమీటర్లు ప్రయాణిస్తూ... పూణె, సోలాపూర్ మీదుగా హైదరాబాద్కు చేరుకున్నారు. ఈ విషయాన్ని తెలుసుకున్న ఇక్కడి బ్రిటిష్ హై కమిషనర్ ఆండ్రూ ప్లేమింగ్... అలెన్ దంపతులకు స్వాగతం పలికారు. వారి వాహనాన్ని చూసి అవాక్కయ్యారు. అలెన్తో కలిసి ఆ కారులో కాసేపు అలా అలా తిరిగొచ్చారు.
రోడ్ట్రిప్ ఆస్వాధిస్తున్నాం...
ఇండియా రావటం ఎంతో ఆనందంగా ఉందంటోన్న ఈ దంపతులు... తమ మూలాలు ఇక్కడే ఉండటం మంచి అనుభూతినిస్తోందని చెబుతున్నారు. తమ ప్రయాణంలో ఎన్నో అద్భుతమైన దృశ్యాలు కనిపించాయని.... భారత్లో రహదారి ప్రయాణం నుంచి ఎన్నో నేర్చుకుంటున్నామని చెబుతున్నారు.
ఇవీ చూడండి: మేడారం జాతరలో కృత్రిమ మేధ సఫలీకృతం
