లాక్​డౌన్ నిబంధనలకు అనుగుణంగా మద్యం దుకాణాలు

తెలంగాణలో లాక్​డౌన్ విధించిన నేపథ్యంలో ప్రభుత్వం ఉదయం 6 గంటల నుంచి 10 వరకు వెసులుబాటు కల్పించింది. ఆ సమయంలోనే మద్యం దుకాణాలు తెరుచుకునేందుకు వీలుగా ఎక్సైజ్ శాఖ సర్క్యులర్ జారీ చేసింది.

తెలంగాణలో లాక్​డౌన్​కు సంబంధించి ప్రభుత్వం జారీచేసిన ఉత్తర్వులకు అనుగుణంగా ఎక్సైజ్ శాఖ తాజాగా సర్క్యులర్​ జారీ చేసింది. ఈ మేరకు ఉదయం 6 గంటల నుంచి ఉదయం 10 గంటల వరకు అన్ని మద్యం దుకాణాలు తెరిచేటట్లు చూడాలని ఎక్సైజ్ శాఖ సంచాలకులు సర్ఫ్​రాజ్ అహ్మద్ పేర్కొన్నారు.

ప్రభుత్వ ఆదేశాలను తూచ తప్పకుండా పాటించాలని... అబ్కారీ శాఖ ఉప కమిషనర్లకు, సహాయ కమిషనరలకు, జిల్లా ఎక్సైజ్ సూపరింటెండెంట్​లకు సూచించారు. ప్రభుత్వ నిబంధనలకు అనుగుణంగా మద్యం దుకాణాలు తెరిచారు. దీంతో మద్యం దుకాణాల వద్ద రద్దీ కనిపించింది.

ఇదీ చూడండి: అపోహలు వీడు.. కరోనాతో పోరాడు.