అమెరికా సాయంతో కుతుబ్​షాహీ టూంబ్స్​కు కొత్త కళ

టోలీచౌకీలోని కుతుబ్ షాహీ టూంబ్స్​​ని భారతదేశ యూఎస్ కాన్సులేట్ జనరల్ కెన్నెత్ ఐ జస్టర్ సందర్శించారు. నూతనంగా పునరుద్ధరించిన రెండు టూంబ్స్​​ని ఆయన ప్రారంభించారు.

సంస్కృతిని కాపాడటంలో యూఎస్ ఎప్పుడూ ముందుంటుందని భారతదేశ యూఎస్​ కాన్సులేట్ జనరల్​ కెన్నెత్​ ఐ జస్టర్​ అన్నారు. టోలీచౌకీలోనీ కుతుబ్​షాహీ టూంబ్స్​​​ని సందర్శించారు. తారామతి, ప్రేమమతి టూంబ్స్​​​కి పూర్వ వైభవం తెచ్చేందుకు గతేడాది అమెరికన్ కాన్సులేట్.. యూఎస్ అంబాసిడర్ ఫండ్ నుంచి లక్షా 3వేల డాలర్లను అగాఖాన్ ఫౌండేషన్​కి మంజూరు చేసింది. ఈ మేరకు తారామతి, ప్రేమామతి టూంబ్స్​​​​లో ఉన్న పగుళ్లను సరిచేసి వాటికి కొత్త వైభవాన్ని తీసుకొచ్చింది అగాఖాన్ ఫౌండేషన్.

ఈ మేరకు ఇవాళ టూంబ్స్​​​ని సందర్శిచిన యూఎస్ కాన్సులేట్ జనరల్ కెన్నెత్.. నూతనంగా పునరుద్ధరించిన రెండు టూంబ్స్​​​ని ప్రారంభించారు. భవిష్యత్తులో మరిన్ని కార్యక్రమాలకు సాయం చేస్తామన్నారు. వచ్చే ఏడాది చివరికల్లా హైదారాబాద్​లో నూతన యూఎస్ కాన్సులేట్ భవన నిర్మాణం పూర్తిచేయనున్నట్టు ఆయన ప్రకటించారు.

ఇదీ చూడండి: రాజీవ్ స్వగృహ ఆస్తుల అమ్మకానికి కమిటీ ఏర్పాటు