'హైదరాబాద్​కు చెందిన మరో కంపెనీ నుంచి కరోనా వ్యాక్సిన్​'

హైదరాబాద్​కు చెందిన మరో కంపెనీ నుంచి తక్కువ ధరకే కరోనా వ్యాక్సిన్​ను అందుబాటులోకి తీసుకువచ్చేందుకు కృషి చేస్తున్నందుకు సంతోషంగా ఉందని మంత్రి కేటీఆర్ తెలిపారు. టీకా తయారీలో భాగంగా హైదరాబాద్​కు చెందిన బయోలాజికల్ ఈ లిమిటెడ్.. గ్లోబల్ కంపెనీ జాన్సన్ అండ్ జాన్సన్​తో ఇప్పటికే అగ్రిమెంట్​ కుదుర్చుకుంది.

వ్యాక్సిన్ తయారీలో భాగంగా హైదరాబాద్​కు చెందిన బయోలాజికల్ ఈ లిమిటెడ్.. గ్లోబల్ ఫార్మాస్యూటికల్ కంపెనీ జాన్సన్ అండ్ జాన్సన్​తో ఒప్పందం కుదుర్చుకుంది. ఈ ఒప్పందం ద్వారా క్లినికల్ ట్రయల్స్ దశలో ఉన్న జాన్సన్ అండ్ జాన్సన్ వ్యాక్సిన్ కాండిడేట్​కు.. పెద్దఎత్తున తయారీ సామర్థ్యం గల బయోలాజికల్ ఈ లిమిటెడ్ ఇన్ఫాస్ట్రక్చర్ దోహదపడుతుందని బీఈ ఎండీ మహిమా దాట్ల అన్నారు.

ఈ ఒప్పందం పట్ల రాష్ట్ర మంత్రి కేటీఆర్ హర్షం వ్యక్తం చేస్తూ.. ఈ భాగస్వామ్యం ద్వారా భారత్ బయోటెక్ తర్వాత హైదరాబాద్​కు చెందిన మరో కంపెనీ తక్కువ ధరకే వ్యాక్సిన్​ను అందుబాటులోకి తీసుకువచ్చేందుకు దోహదపడుతుందని మంత్రి కేటీఆర్ ట్విట్టర్​ ద్వారా పేర్కొన్నారు.

'హైదరాబాద్​కు చెందిన మరో కంపెనీ నుంచి కరోనా వ్యాక్సిన్​'

ఇదీ చూడండి : ఎన్​ఎస్​యూఐ విద్యార్థి నాయకులకు బెయిల్ మంజూరు