నెక్లెస్రోడ్డులోని నీరా స్టాల్ నిర్మాణానికి మంత్రి శ్రీనివాస్గౌడ్తో కలిసి మంత్రి కేటీఆర్ శంకుస్థాపన చేశారు. తెలంగాణ ప్రజల్లో ఎంతో వృత్తి నైపుణ్యం ఉందని మంత్రి కేటీఆర్ పేర్కొన్నారు. రాష్ట్రంలో గీతవృత్తిపై ఆధారపడి 2 లక్షల మందికి పైగా ఆధారపడి ఉన్నారని వ్యాఖ్యానించారు.
''కులవృత్తుల అభివృద్ధితో గ్రామీణ ఆర్థిక వ్యవస్థ బలోపేతం అవుతుందనేది సీఎం కేసీఆర్ నమ్మకం. రాష్ట్రంలో 2లక్షల 30వేల మంది గీతవృత్తిని నమ్ముకుని జీవిస్తున్నారు. సర్వాయ్ పాపన్న కాలం నుంచి పన్ను మాఫీ కోసం పోరాటం చేస్తున్నారు. కేసీఆర్ ప్రభుత్వం రూ.16 కోట్ల వృత్తి పన్ను బకాయిలను రద్దు చేసింది. నీరా స్టాల్... గౌడవృత్తి వారి అస్థిత్వానికి ప్రతీకగా నిలుస్తోంది. భవిష్యత్లో రాష్ట్రంలో మరిన్ని స్టాల్లు ఏర్పాటు చేసుకోవాలి.''
